Экскурсія ў музей "Тут Радзімы маей пачатак" Пагародзенскага ЦКіНТ
18 ліпеня з дзецьмі рознаўзроставай групы №2 была арганізавана экскурсія ў пакой-музей “Тут Радзімы маёй пачатак” філіала “Пагародзенскі ЦКіНТ”. Дзяўчынкі і хлопчыкі пазнаёміліся з асновамі быта беларускага народа мясцовага рэгіёну ў далёкім мінулым, ўбранства сялянскай хаты.
У музеі ўзноўлены <font color="#000000"> інтэр'ер</font> традыцыйнай сялянскай хаты і выстаўлены разнастайныя прадметы, якія даюць уяўленне пра гаспадарча-побытавую і працоўную дзейнасць продкаў мясцовага рэгіёна. Маленькія наведвальнікі маглі пакруціць кола калаўрота, з задавальненнем палюбаваліся прыгожымі ручнікамі, дыванамі, патрымалі ў руках верацяно, вілкі, чапялу, стрыгач ці серп. З цікавасцю разглядалі старажытны ліхтар, рэшата, даведаліся аб прызначэнні ступы, маслабойкі. Дзецям быў прадстаўлены разнастайны па форме і прызначэнню посуд.
Адзін куток аздабляў вялікі асартымент вытканых паўсядзённых і святочных пакрывалаў з рознавобразнымі стракатымі ўзорамі. Вытканыя яны народным майстрам Рэспублікі Беларусь – мясцовай жыхаркай Станіславай Вікенцьеўнай Міхна. Яна ў пакою-музею вучыць ткацтву дзяцей і моладзь. Так і ў нашых выхаванцаў была магчымасць паспрабаваць ткаць на кроснах.
Напрыканцы работнікі культуры прапанавалі і заахвоцілі дзяцей да паўторнага наведвання музея-пакою са сваімі роднымі.
Спадзяёмся, што дадзенная экскурсія пасадзейнічае развіццю пазнавальнай цікавасці да сваёй этнічнай прыналежнасці, уяўленню аб сабе як частцы беларускага грамадства, выхаванню любові да сваёй малой Радзімы!
